"Parlament seçkilərində vətənpərvər gənclərdən ibarət deputat korpusunun formalaşdırılması diqqətimizdədir"
"Növbəti parlament seçkilərində müasir, vətənpərvər gənclərdən ibarət deputat korpusunun formalaşdırılması bizim diqqətimizdədir". Sechki-2020.az saytının xəbərinə görə, bunu Yeni Azərbaycan Partiyasının (YAP) sədr müavini - icra katibi Əli Əhmədov keçirdiyi mətbuat konfransında deyib.
"Həyata keçirilən islahatların başında bir çox əhəmiyyətli səbəblər dayanır. Azərbaycanda çox savadlı, müasir dünyagörüşə sahib olan layiqli gənc nəsil formalaşır. Hesab edirəm ki, bu gənc nəsil Azərbaycanın bundan sonrakı inkşafına böyük töhfə verəcək. Biz gənclərimizlə qürur duyuruq", - deyə Ə.Əhmədov bildirib.
