MSK sədri: "Milli Məclisə seçkilərlə bağlı sosial şəbəkələrdəki bütün görüntülər ciddi araşdırılacaq"
Milli Məclisə seçkilərlə
bağlı sosial şəbəkələrdəki bütün görüntülər ciddi araşdırılacaq. Secki-2020.az
saytı xəbər verir ki, bunu Mərkəzi Seçki Komissiyasının (MSK) sədri Məzahir Pənahov
keçirilən mətbuat konfransında bildirib.
M.Pənahov deyib ki, kimin əlində görüntü varsa, MSK-ya təqdim etsin: “Hətta həmin videogörüntülərin surətini çıxarıb, qaytara bilərik. Parlament seçkiləri ilə bağlı araşdırma daha ciddi olacaq. Heç kimdə o səlahiyyət yoxdur ki, Azərbaycan ictimaiyyətinin gözləntilərinə kölgə salsın. MSK və aşağı seçki dairələri ictimaiyyətin tələblərinə cavab verməlidir. Ona görə də hər bir vətəndaş əlində olan bütün faktları MSK-nın aidiyyəti orqanlarına çatdırmalıdır”.
