Latviyalı müşahidəçi: Azərbaycanda parlament seçkiləri yüksək demokratik standartlara uyğun keçirilib
“Azərbaycanda parlament
seçkiləri yüksək demokratik standartlara uyğun keçirilib”. Secki-2020.az saytının məlumatına görə, bunu
parlament seçkilərini izləyən Latviyadan olan müşahidə missiyasının üzvü
Armands Krauze deyib.
“Təqdirəlayiq haldır ki, seçki məntəqələrində çoxlu sayda yerli müşahidəçilər iştirak edib. Bu o deməkdir ki, siyasi proseslər, həmçinin cəmiyyətin diqqət mərkəzindədir. Bu, vacib məqamdır. Hətta deyərdim ki, cəmiyyətin belə aktivliyi digər Avropa ölkələrində yoxdur", - deyə missiya üzvü vurğulayıb.
O təşkilatçılıq baxımından istər paytaxtda, istərsə də bölgələrdə seçki prosesinin qənaətbəxş təşkil olunduğunu vurğulayıb.
