“Seçkilər demokratik və rəqabət şəraitində keçdi”
“Azərbaycan Milli Məclisinə seçkilərdə ölkə üzrə bütün
məntəqələrdə səsvermə üçün lazımi şərait yaradılmışdı. Apardığım müşahidələrə əsasən
deyə bilərəm ki, seçkilər demokratik və rəqabət şəraitində keçdi”. Bu fikirləri
secki-2020.az saytına açıqlamasında “Yeni Çağ” Media Qrupunun rəhbəri Aqil Ələsgər
bildirib.
O deyib ki, Media
Qrupun əməkdaşları seçki prosesini diqqətdə saxladılar və məntəqələrdə kifayət
qədər çəkilişlər aparıblar: “Seçkilərdə seçici fəallığını müşahidə etdik. Kiçik
detalları nəzərə almasaq, bütövlükdə seçkilər sabit məcrada keçdi”.
